اپریل کو پی ٹی آئی اپنی بیسیویں سالگرہ دھوم دھام سے منائیگی اور کارکن اسلام آباد پہنچا شروع ہو گئے ہیں،افضال احمد گوندل

AFZAAL GONDAL

AFZAAL GONDAL

فرانس: راہنما پاکستان تحریک انصاف چوہدری افضال احمد گوندل نے میڈیا سے گفتگو کرتے ہوئے کہا کہ 24اپریل کو پی ٹی آئی اپنی بیسیویں سالگرہ دھوم دھام سے منائیگی اور لاکھوں کارکنان اسلام آباد پہنچا شروع ہو گئے ہیں،آرمی چیف نے بلا تفریق احتساب کی اعلی ترین مثال قائم کی ہے تمام جمہوری قوتوں کو یکجا ہو کر فیصلہ کرنا ہوگا کہ ملک کے وسائل بے دردی سے لوٹنے والوں کا کڑے سے کڑا احتساب کیا جائے ۔رائے ونڈ اور نواب شاہ کے موٹو گینگ سے قوم کی لوٹی ہوئی دولت کی پائی پائی وصول کی جائے30سالوں سے نام نہاد جمہوریت کے ٹھیکیدار اقتدار کی طاقت سے ملک کو دونوں ہاتھوں سے لوٹ رہے ہیں اور ملک و قوم کو قرضوں کے بوجھ تلے دن بدن دھنستے جا رہے ہیں ۔نواز شریف اور آصف زرداری کی کرپشن اور لوٹ مار نے ملک کی بنیادیں ہلا کر رکھ دی ہے ۔

آج تک انہوں نے آزاد اور غیر جانب دار احتساب سیل کا قیام نہیں ہونے دیا ملک کو لوٹنے کے لئے نواز شریف اورآصف زرداری نے آپس میں باریاں لگا رکھی ہے پاورفل جوڈشیل کمیشن کا قیام کیا جائے جس میں فرانزک ماہرین بھی شامل ہوں، انہوں نے کہا کہ نواز شریف پارلیمنٹ میں آنے سے کیوں ڈرتے ہے (ن) لیگ کے تنخواہ دار درباریوں کا صبح و شام نواز شریف کی خوشامد کرنے کے سواء کوئی دوسرا کام نہیں ، پی ٹی آئی اپنی پر امن سیاسی جدو جہد جاری و ساری رکھے گی ۔