چوہدری امتیاز آکیہ کی طرف سے منہاج اسلامک سنٹر اوسپتالیت میں افطاری کا اہتمام

Iftar Hospitalet

Iftar Hospitalet

بارسلونا (یوسف چوہدری) معروف بزنس مین اور چیف آرگنائزر پاکستان عوامی تحریک سپین چوہدری امتیاز آکیہ کیطرف سے 4 جولائی 2015ء کومنہاج اسلامک سنٹر اوسپیتالیت میں افطاری کا اہتمام کیا گیا۔

افطاری میں منہاج القرآن انٹرنیشنل سپین کے ایگزیکٹو عہدیداران ، سرپرست محمد نواز کیانی ،صدر محمد اکرم بیگ ،سینئر نائب صدر ظل حسن، صدر مجلس شوریٰ حاجی طاہر پرویز،صدر پاکستان عوامی تحریک محمد اقبال چوہدری،سیکریٹری جنرل پاکستان عوامی تحریک راحیل اکرم ایڈووکیٹ، سیکریٹری میڈیا محمدیوسف چوہدری، سیکریٹری کوارڈینیشن محمد افضال گوندل ،سیکریٹری ممبرشپ عوامی تحریک محمد قدیر چوہدری، ڈائریکٹر اسلامک سنٹر بارسلونا علامہ غلام عربی، صدر منہاج یوتھ لیگ حسنات مصطفی ہاشمی،سیکریٹری جنرل منہاج القرآن سپین محمد عتیق قادری، صدرپاکستان عوامی تحریک اوسپیتالیت شہباز علی چیمہ ،نائب صدر چوہدری عبدالحمید،یوتھ لیگ کے محمد ذیشان سمیت اوسپیتالیت تنظیم کی نو منتخب قیادت کے علاوہ مقامی کاروباری شخصیت چوہدری نزاکت حسین،قدیر احمد خان،راجہ ذوالفقار،ملک محمد اکرم اعوان اور اہل علاقہ نے کثیر تعداد میں شرکت کی۔

افطار سے قبل علامہ صفدر مجید قادری نے شرکاء محفل سے اپنے خطاب میں یوم شہدائے بدر کے حوالے سے کہا کہ اللہ کی مدد ہمیشہ اللہ کے نیک بندوں کے ساتھ رہتی ہے۔

انہوں نے کہا کہ جنگ حنین کے علاوہ کبھی بھی کسی جنگ میں مسلمانوں کی تعداد میں کثرت نہیں رہی بلکہ جنگ بدر میں تو دشمنوں کے مقابلے میں مسلمانوں کی تعداد انتہائی کم اور سازوسامان تو نہ ہونے کے برابر تھا لیکن پھر بھی مسلمانوں کو فتح حاصل ہوئی اور یہ اسلام کی وہ واحد جنگ تھی جس کی فتح کی نوید جنگ سے قبل ہی اللہ تعالیٰ نے اپنے پیارے حبیب مکرم ۖ کو سنا دی تھی۔

میزبان محفل چوہدری امتیاز آکیہ نے اختتام محفل پر آنیوالے تمام معزز مہمانوں کا شکریہ ادا کیا۔