یوم دفاع پاکستان کے سلسلے تقریب 17ستمبر بروز جمعرات کو ہو گی

Pakistan Independence Day

Pakistan Independence Day

کویت سٹی (محمد زبیر شرفی) یوم دفاع پاکستان کے سلسلے منعقد تقریب جو 17ستمبر بروز جمعرات کو علامہ اقبال ہال پاکستان سکول وکالج جلیب الشیوخ کویت ہونے جا رہی ہے اس کی تیاریاں آخری مراحل میں ہیں۔

ان خیالات کا اظہار پاکستان مسلم لیگ(ن)لیبرونگ اوورسیز کویت کے نائب صدر حافظ گلزار احمد نے کیا انہوں نے گفتگو کرتے ہوے کہا ،اس تقریب میں انشاء اللہ نظم و ضبط کا خاص خیال رکھا جاے گا۔ انتظامیہ کمیٹی بنادی گئی ہے جس کے انچارج PMLNیوتھ ونگ کویت کے چیف آرگنائزر میاں عمران ہیں ان کے ساتھ ممبران میں رانا شبیر ،ناصر لال،دانش عقیل،محمد عمران،غلام یاسین (خادمِ اہلسنت) شبیر کیلانی،عمران صدیق ہوں گے۔

استقبالیہ کمیٹی میں ملک محمد حیات،ملک طالب حسین صدیقی،ملا محمد طارق، عبدالحمیدبٹ، محمد شبیر بٹ، محمد سلیم غلام نبی،محمدریاض دیوان پر مشتمل ہے۔اس تقریب کی صدارت تنظیم کے صدر محمدزبیر شرفی کریں گے ،مہمانِ خصوصی عزت مآب سفیر پاکستان جناب محمد اسلم خان ہوں گے۔ مہمانانِ خاص میاںمحمدارشد صدر پاکستان مسلم لیگ کویت،محمدعرفان ناگرہ صدر پاکستان مسلم لیگ (ن)یوتھ ونگ کویت کے علاوہ کویت کی معتبر شخصیات ہوں گی۔

جو دفاع پاکستان پر اپنے خیالات کا اظہار کرتے ہوے دفاع وطن کے مجاہدوں غازیوں اور شہیدوں کی لازوال قربانیوں اور بے مثال کارناموں کو خراج تحسین پیش کریں گے۔مقامی شعرا میں صفدر علی صفدر، بدر سیماب ،فیاض وردگ، خالد سجاد، کاشف کمال، سرورجان، اور دیگر شعرا شرکت کریں گے۔ قومی ترانے اور قومی نغمے مقامی سکولکے بچے ٹیبلو پیش کریں گے۔ہر برس کی طرح یہ تقریب بھی اچھی اور منفرد ہوگی۔