گلگت بلتستان ریاست کا حصہ ہے تقسیم کے فارمولے ہر گز قبول نہیں۔ محمود کشمیری، آصف مسعود

Asif Masood

Asif Masood

لندن برطانیہ (پ ر) جموں کشمیر نیشنل عوامی پارٹی برطانیہ کے صدر محمود کشمیری اورجنرل سیکرٹری آصف مسعود چوہدری نے پارٹی پریس رلیز جاری کرتے ہوئے کہا کہ معائدہ کراچی ٢٨ اپریل ریاست جموں کشمیر کی تاریخ کا بد ترین دن ہے جسے جموں کشمیر نیشنل عوامی پارٹی ریاست کی تاریخ پر شب خون کے مترادف سمجھتے ہوئے یوم سیاہ کے طور پر مناتی رہی ہے۔

معائدہ کراچی کے باعث ریاست جموں کشمیر کو ٹکڑوں میں تقسیم کیا گیا اور ریاست کے دونوں اطراف کے باسی اپنے ہی عزیز اقارب سے جدا کر دئے گئے معائدہ کراچی کے تحت ریاست کے سینے پر جوبٹوارے کی منحوس لکیر کھینچ دی گئی ریاست جموں کشمیر کے لوگ اسے مسترد کر چکے ہیں اور جموں کشمیر نیشنل عوامی پارٹی نے ہر دور میں ریاست کی عوام کی آواز میں آواز ملا کر دنیا کو باور کروایا ریاست کی تقسیم کسی بھی صورت قبول نہیں ۔گلگت بلتستان ریاست جموں کشمیر کا حصہ ہیں کسی بھی تقسیم کے فارمولے پر عمل درآمد نہیں ہونے دیں گے۔

Mahmood Kashmiri

Mahmood Kashmiri

دونوں اطراف سے قابضین ریاستی وسائل لوٹ کر ریاست کو ٹکڑوں میں تقسیم کر کے ریاستی عوام کو بھکاری بنانا چاہتے ہیں تا کہ ریاستی عوام کو قابض ممالک کے سہارے کی ضرورت پرتی رہے لیکن ہم ان قابضین کو باور کروا دینا چاہتے ہیں ہم ریاستی عوام کا ہر گز استحصال نہیں کرنے دیں گے۔

جموں کشمیر نیشنل عوامی پارٹی برطانیہ ٢٨ اپریل کو یوم سیاہ کے طور پر مناتے ہوئے برطانیہ کے شہر بریڈ فورڈ میں پاکستانی ہائی کمیشن میں معائدہ کراچی کے خلاف ایک یادداشت پیش کرے گی۔ جموں کشمیر نیشنل عوامی پارٹی ریاست کے وحدت کے لئے اور ریاست میں ہونے والے ظلم ، جبرکے خلاف غیر استحصالی معاشرہ کے قیام تک اپنی جدو جہد جاری رکھے گی۔