بھارتی افواج مقبوضہ کشمیر میں آئے روز انسانی حقوق کی پامالی کر رہی ہے، کامران گھمن

Kamran Ghuman

Kamran Ghuman

پیرس: پاکستان پیپلز پارٹی یورپ کے کوارڈینیٹر اور معروف سماجی اور کاروباری شخصیت چوہدری کامران گھمن نے کہا ہے کہ بھارتی افواج مقبوضہ کشمیر میں آئے روز انسانی حقوق کی پامالی کر رہا ہے ، مائوں بہنوں کی عصمتوں کو تار تار کیا جا رہا ہے ۔ اقوام عالم اگر مسئلہ کشمیر کے حق میں کردار ادا نہیں کریں گی تو کشمیر میں لگنے والی آگ پوری دنیا کو اپنی لپیٹ میں لے سکتی ہے۔

کشمیریوں نے ہمیشہ پاکستان کی بقاء اور سلامتی کیلئے اپنے خون کا نذرانہ پیش کیا ہے اور آئندہ بھی کرتے رہیں گے، انہوں نے مزید کہا کہ آزاد کشمیر اور مقبوضہ کشمیر کی عوام پاکستان کے ساتھ جینا مرنا چاہتے ہیں، بھارت طاقت کے بل بوتے پر کسی صورت کشمیریوں کو زیادہ دیر تک یرغمال نہیں رکھ سکتا۔

انہوں نہ کہا کہ پاکستان پیپلز پارٹی نے مسئلہ کشمیر کے حل کیلئے ہو ممکن کوشش کر رہی ہے ، کشمیریوں کے دل پاکستان کے ساتھ دھڑکتے ہیں ظالم جتنا مرضی ظلم بڑھائے پاکستان اور کشمیر ی عوام مل کر مقابلہ کرے گی۔