پیرس: ڈاکٹر ارشاد علی کمبوہ کی زیر صدارت بینظیر بھٹو کی 62ویں سالگرہ منائی گئی

Benazir Bhutto,Anniversary Paris

Benazir Bhutto,Anniversary Paris

پیرس (میاں عرفان صدیق) پاکستان پیپلزپارٹی فرانس نے پیپلز پارٹی فرانس کے صدر ڈاکٹر ارشاد علی کمبوہ کی زیرصدارت پیرس میں شہید محترمہ بینظیر بھٹو کی 62 ویں سالگرہ نہایت عقیدت و احترام کے ساتھ منائی۔ جس میں پاکستانی کیمونٹی کی کثیر تعداد نے شرکت کی۔

پروگرام کی صدارت پاکستان پیپلز پارٹی فرانس کے صدر ڈاکٹر ارشاد علی کمبوہ نے کی جبکہ نظامت کے فرائض پاکستان پیپلز پارٹی فرانس کے جنرل سیکرٹری پرویز صدیقی نے حسب روایت بڑے نفیس اوراحسن طریقے سے ادا کئیے۔

پروگرام کا باقاعدہ آغازاللہ رب العزت کے با برکت نام سے شروع ہوا تلاوت کی سعادت پاکستان پیپلز پارٹی فرانس کے سینئر نائب صدر سیّد کفایت حسین نقوی نے اپنی دلکش آواز میں کی۔

مقررین سینئر رہنما پی پی پی راؤ عارف ندیم سینئر نائب صدر سید کفایت حسین نقوی یوتھ وینگ کے صدر سید علی رضا نقوی ویمن وینگ کی صدر محترمہ روحی بانو نائب صدر نجمہ افتخار محمد احسان خان ننھا افتخار بٹ بلو ملک اسلم چوہدری ارشد خالد جٹ راجہ کرامت سید تنصیر شاہ اور چوہدری افضل خونن نے اپنی تقاریر میں محترمہ بینظیر بھٹو کی لازوال خدمات اور جمہوریت کی بقا کے لئے جان کی بازی لگانے والی عظیم لیڈر کو خراج تحسین پیش کیا۔

پاکستان پیپلز پارٹی فرانس کے صدر محترم جناب ڈاکٹر ارشاد علی کمبوہ نے اپنے صدارتی خطاب میں کہا کہ انشاء اللہ پاکستان پیپلز پارٹی اور اس کی قیادت ملک کی سلامتی امن خوشحالی اور بھوک و افلاس کے خاتمے کی ضمانت دیتی ہے وقت کی کمی کے باعث مختصر تقاریر کے بعد روزہ افطار کیا گیا بعد میں محترمہ بینظیر بھٹو کی 62 ویں سالگرہ کا کیک نعروں کی گونج کے ساتھ جب تک سورج چاند رہے گا بی بی تیرا نام رہے گا کاٹا گیا اور یوں یہ پروقار اور خوبصورت تقریب اپنے اختتام کو پہنچی۔