َ کراچی میں گرمی اور لوڈشیڈنگ سے ہونے والی ہلاکتوں کی ذمہ دار موجودہ حکومت ہے: جوزفین کرسٹینا

 Christina Joesphien

Christina Joesphien

بارسلونا (منیر ممتاز) مسلم لیگ ق خواتین ونگ سپین کی صدر اور بین المذاہب ہم آہنگی میں گولڈل میڈل حاصل کرنیوالی سیاسی وسامجی وویمن ورکر جوزفین کرسٹینا نے کراچی میں گرمی او ر لوڈشیڈنگ سے ہونے والی سینکڑوں ہلاکتوں کی ذمہ دار موجودہ حکومت ہے ہلاک ہونے والوں کے مقدمات عابد شیر علی اور خواجہ آصف کے خلاف درج ہونے چاہیں رمضان شریف میں بد ترین لوڈ شیڈنگ نے روزہ داروں کی مشکلات میں کئی گنااضافہ کر دیا ہے لیکن حکمران ٹس سے مس نہیں ہوئے۔

انہوں نے کہا کہ نندی پور پاور پراجیکٹ اورقائد اعظم سولر پارک کا کریڈٹ تو زور و شور سے لیا گیا لیکن سینکڑوں میگاواٹ بجلی سسٹم میں شامل ہوتی ہوئی محسوس ہی نہیں ہو رہی۔

انہوں نے کہا میاں نواز اور شہباز شریف اپنے پاور پلانٹ چلنے تک عوام کو لوڈ شیڈنگ کے عذاب میں مبتلارکھنا چاہتے ہیں تاکہ بھرپور انداز میں بجلی پوری کرنے کا کریڈٹ لیا جا سکے لیکن وزیرا عظم میاں نواز شریف یاد رکھیں سیاسی جماعتوں سمیت پوری قوم کے تیور بدلے ہوئے ہیں اپنے ماضی کو یاد کرتے ہوئے میاں نواز شریف قوم کے ساتھ منافقانہ چال چلنا بند کر دیں۔