قائد کے خواب کے مطابق پاکستان کو فلاحی ریاست بنائینگے۔ چودھری عبدالروف ڈوگہ

Ch Abdulrauf Dogah

Ch Abdulrauf Dogah

فرانس (اشفاق چودھری) بابائے قوم محمد علی جناح کے 139ویں یوم پیدائش کے موقع پر پاکستان مسلم لیگ (ق) فرانس کے رہنماؤں چودھری عبدالروف ڈوگہ و دیگر عہدیداران و کارکنان نے تقریب میں فاتحہ خوانی کی بعد ازاں میڈیا سے گفتگو کرتے ہوئے چودھری عبدالروف ڈوگہ و دیگر نے کہا کہ قائد اعظم پاکستان کو فلاحی و اسلامی ریاست بنانا چاہتے تھے مگر انگریزوں کے نمک خوار استحصالیوں نے پاکستان کے وسائل و اقتدار پر قابض ہو کر عوام کو یرغمال بنا لیا ہے۔

حکمرانوں کی منافقانہ و مفاد پرستانہ پالیسیاں پاکستان کو سامراج کی غلامی کی جانب گھسیٹ رہی ہیں جبکہ پاکستان مسلم لیگ (ق) نے پاکستان کو قائد کے خوابوں کی حقیقی تعبیر بنانے کیلئے خود مختار ڈویژنل کونسلوں کی تشکیل کے ذریعے عوام کو بااختیار و خوشحال اور پاکستان کو ترقی یافتہ و مستحکم بنانے والی مقامی خودمختاری کا جو فارمولہ پیش کیا ہے۔

استحصالی طبقات اور حکمران اس سے خوفزدہ ہیں اور اس فارمولے کے عملدرآمد کی راہ میں رکاوٹیں کھڑی کررہے ہیں کیونکہ وہ عوام کو خوشحال و خود مختار اور با اختیا ر نہیں بلکہ محکوم و غلام دیکھنا چاہتے ہیں۔