پاکستان عوامی تحریک اسپین کی جانب سے پاکستان تحریک انصاف کے اعزاز میں شاندار افطار عشائیہ

PTI Honor Iftar Dinner

PTI Honor Iftar Dinner

اسپین (انجم بلوچستانی) بارسلونا بیوروا ور مرکزی آفس برلنMCBیورپ کے مطابق گزشتہ دنوںپاکستان عوامی تحریک ا سپین کی جانب سے پاکستان تحریک انصاف اسپین کے اعزاز میں بارسلونا آفس میںایک شاندار افطارعشائیہ کا اہتمام کیا گیا ۔افطار کے شرکاء نے ڈاکٹر طاہر القادری کی شخصیت کو عالم اسلام کیلئے سرمایہ افتخار قرار دیا ۔ مقررین کے مطابق طاہر القادری اور عمران خان نے ہمیشہ ملک و قوم کے مفاد میں سیاست کی ۔ اس محفل میںپاکستان تحریک انصاف اور پاکستان عوامی تحریک نے ا سپین میں ایک مشترکہ لائحہ عمل طے کرنے پر اتفاق کیا ،تاکہ ایک مشترکہ مقصد کے لئے مشترکہ جدوجہدکی جا سکے۔

یوسف چوہدری کی اطلاع کے مطابق پاکستان عوامی تحریک نے ”سیاست نہیں ریاست بچائو ”کی پالیسی پر عمل پیرا رہتے ہوئے جس طرح پاکستان میں مختلف سیاسی جماعتوں کے ساتھ ملکر غربت ،لاقانونیت،بے انصافی،رشوت اور بد امنی کیخلاف مشترکہ جدوجہد کا آغاز کیا ہے ، اسی طرح اسپین میں، آپس میں پیار اور بھائی چارے کی فضا قائم رکھنے کیلئے، ماہ رمضان المبارک کی بابرکت گھڑیوں کو موقع غنیمت جانتے ہوئے، پاکستان عوامی تحریک ا سپین نے بھی مختلف سیاسی و سماجی پارٹیوں کے اعزاز میں افطار پاٹیوںکے ایک سلسلہ کا آغاز کیا ہے۔

اس سلسلہ کی ابتدا ٣٠جون بروز منگل پاکستان تحریک انصاف اسپین کی ایگزیکٹو باڈی کے اعزاز میں افطار عشائیہ سے ہوئی ،جس کا اہتمام پاکستان عوامی تحریک ا سپین کے آفس، کائیے سیرا ،بارسلونا میں کیا گیا ،جس میں پاکستان تحریک انصاف کے شبیر طاہر، راجہ امجد خالق، عمران اسحاق،چوہدری ناصر محمود ،چوہدری کامران ،انور بھائی ، شیخ فاروق ،صفدر بٹ،لالہ زمان پاکستان عوامی تحریک اسپین کے صدر محمد اقبال چوہدری،نائب صدر چوہدری طارق مہدی، جنرل سیکریٹری راحیل اکرم ایڈووکیٹ،چیف آرگنائزر چوہدری امتیاز احمد آکیہ،سکریٹری اطلاعات چوہدری محمد یوسف،سکریٹری کوآرڈینیشن چوہدری محمد افضال گوندل ،جوائنٹ سیکریٹری عمران آفتاب ،ڈپٹی سیکریٹری محمد بلال سرور ؛منہاج مصالحتی کونسل اسپین کے صدر چوہدری امانت حسین مہر منہاج القرآن انٹرنیشنل ا سپین کے نائب صدر نوید احمداندلسی؛ سکریٹری سوشل میڈیا عوامی تحریک بیسوس، وقار الحسن اور دیگر نے شرکت کی۔

افطار عشائیہ میں شریک پاکستان تحریک انصاف ا سپین کے رہنمائوں نے منہاج القرآن انٹرنیشنل اور پاکستان عوامی تحریک کے مختلف شعبہ جات کی تعریف کرتے ہوئے ڈاکٹر محمد طاہر القادری کو پاکستان اور عالم اسلام کیلئے سرمایہ افتخار قرار دیا ۔انہوں نے کہا کہ” قادری صاحب اور عمران خان نے ہمیشہ ملک و قوم کے مفاد میں سیاست کی ہے ۔ہم پہلے بھی قادری صاحب کا ساتھ دے چکے ہیں اور آئندہ بھی پاکستان تحریک انصاف ایک مشرکہ مقصد کیلئے پاکستان عوامی تحریک کے ساتھ مل کر چلے گی ۔ ہم ملک میں رائج جاگیردارانہ، وڈیرانہ اور سرمایہ دارانہ نظام کے خاتمے تک پاکستان عوامی تحریک کے ساتھ مشترکہ کوششیں جاری رکھیں گے اور آپس میں میل جول اور اتفاق کو فروغ دیں گے۔”

پاکستان عوامی تحریک ا سپین کے صدر محمد اقبال چوہدری نے تمام معززمہمانوں کا شکریہ ادا کرتے ہوئے کہا کہ” ہمارے قائد ڈاکٹر محمد طاہر القادری کی تمام زندگی لوگوں کی فلاح و بہبود میں گزری ہے۔ انہوں نے تن تنہاجس سفر کا آغاز کیا تھا وہ آج ایک انقلاب کی شکل اختیار کر چکا ہے۔ انشاء اللہ وہ وقت دور نہیں جب پاکستان میں حق اور سچ کی فتح ہو گی اور ملک کے غریب عوام کو کرپٹ حکمرانوں اور کرپٹ نظام سے نجات ملے گی۔اس راہ میں ہم ہر ساتھی کا خیر مقدم کریں گے اور انشااللہ منزل پر پہنچ کر دم لیں گے۔” افطار میںپاکستان اورا سپین میں مقیم پاکستانیوں کے مختلف امور پر گفتگو کی گئی اور اسپین میں پاکستانی کمیونٹی کو درپیش مسائل کے حل کیلئے کوششیں جاری رکھنے پر اتفاق کیا گیا۔