پاکستان مسلم لیگ ن کی وفاقی اور مرکزی قیادت کو سر زمین کوٹلی آمد پر خوش آمدید۔ شفیق پلاہوی

Shafiq Plahvi

Shafiq Plahvi

لیوٹن برطانیہ (تیمور لون) چیئرمین اوورسیز مسلم لیگ ن آزاد کشمیر برطانیہ شفیق پلاہوی نے موجودہ حکومت آزاد کشمیر اور ان کے تمام کارندوں کو کڑے تنقید کا نشانہ بناتے ہوئے اخباری نمائندہ سے گفتگو کے دوران کہا کہ موجودہ حکومت آزاد کشمیر کی کی تاریخ کی کرپٹ ترین حکومت ہے ماضی میں اس کی مثال بھی نہیں ملتی۔ ہم نیپ آزاد کشمیر کی حکومت کی کرپشن عوام کے سامنے لانے کی دعوت دیتے ہیں، عوام سے لوٹی ہوئی دولت کا حساب کتاب کرنے کا وقت آ گیا ہے۔

ہم عوامی حقوق کی جنگ میںلڑ رہے ہیں اور اس کے لئے عوام ہمارے ساتھ کھڑی ہے آمدہ الیکشن کرپٹ حکمرانوں کی سیاسی موت ثابت ہوگا ۔ ہم آزاد کشمیر کی اس بدعنوان اور کرپٹ ترین حکمرانوں پر یہ بات واضع کر دینا چاہتے ہیں کہ آزاد کشمیر کی وسائل پر مزید ڈاکہ مارنے کی ہر گز اجازت نہیں دی جائیگی اور وسائل کی ایک ایک پائی کا حساب لیا جائیگا۔

جلد ہی عوام کے سامنے تمام حقیقت کھل کر واضع ہو جائیگی اورآزاد کشمیر کے کرپٹ حکمرانوں کو کے بھاگنے کا موقع ہر گز نہیں دیا جائیگا۔

آزاد کشمیر کی عوام جلد ہی کرپشن کا سورج غروب ہوتا دیکھے گی اور مسلم لیگ ن آزاد کشمیر ہی وہ واحد امید ہے جو عوام کی لوٹی ہوئی دولت کو ان کے حقداروں تک پہنچا کر دم لے گی مجید حکومت اور ان کے حواری بوریا بستر باندھ کر رکھیں عوامی دور کی آنے والا ہے بھاگنے کا موقع نہیں دیا جائیگا۔

انہوں نے مزید کہا کہ ہم پاکستان مسلم لیگ ن کی وفاقی اور مرکزی قیادت کو سر زمین کوٹلی آمد پر خوش آمدید کہتے ہیں۔