تحریک انصاف فرانس یوم تاسیس بھرپور طریقے سے منائے گی، اہم تنظیمی اجلاس، مختلف کمیٹیوں کی تشکیل

PTI France

PTI France

پیرس (یاسر قدیر سے) تحریک انصاف فرانس کا ایک اہم اجلاس زیر صدارت کوارڈینٹر تحریک انصاف فرانس چودھری گلزار لنگڑیال منعقد ہوا جس میں فرانس اور پاکستان کی مجموعی صورتحال اور کشمیر میں آنے والے انتخابات کا تفصیلی جائزہ لیا گیا اور اس سال یوم تاسیس کو بھرپور طریقے سے منانے کا اعلان کیا گیا علاوہ ازیں سب کی باہمی مشاورت سے مختلف کمیٹیوں کی تشکیل بھی سر انجام پائی گئی جس کی تفصیلات مندرجہ ذیل ہے۔

ایڈوائزری کونسل کا چیئرمین سینئر رہنما راجہ محمد عجب کو بنایا گیا جبکہ وائس چیئرمین کی ذمہ داری شیخ نعمت اللہ کو سونپی گئی،دیگر ممبران میں ابوبکر گوندل،میاں ذولفقار احمد ،چودھری ستار،چودھری منور جٹ،سہیل بھدر،سلیم جپہ،سید ظریف شاہ،یاسر خان ،طارق ندیم آرائیں شامل ہیں۔

میڈیا سیل کا انچارج محترمہ آصفہ ہاشمی کو بنایا گیا جبکہ ان کی معاونت میڈیا کوارڈینٹر اشفاق چودھری کریں گے،دیگر ممبران میں عاکف غنی اور آصف جاوید شامل ہیں۔

کشمیر کمیٹی کا کوارڈینٹر مرزا آصف جرال اور آرگنائزر چودھری مبشر کو بنایا گیا اور ذمہ داری دی گئی کہ وہ جلد از جلد کشمیریوں کو زیادہ سے زیادہ تعداد میں تحریک انصاف کی جانب راغب کریں چونکہ فرانس میں کشمیریوں کی ایک کثیر تعداد رہائش پذیر ہے چناچہ ان کو تحریک انصاف کے پلیٹ فارم پر لانے اور انتخابات میں ان کے کشمیر میں رہنے والے عزیز و اقارب کو ووٹ ڈالنے کی جانب راغب کرنے کے لیے باقاعدہ کشمیر کمیٹی بنانے کا فیصلہ کیا گیا اس کے علاوہ چند دیگر کمیٹیوں پر بھی غور فکر کیا گیا جلد ہی انھیں بھی مزید مشاورت کے بعد بنا دیا جائے گا۔