اسپین میں مال بردار فوجی طیارہ ایئر بس اے 400 ایم تباہ، چار افراد ہلاک

Plane Crash

Plane Crash

سپین (زاہد مصطفیٰ اعوان) اسپین میں مال بردار فوجی طیارہ ایئربس اے 400 ایم تباہ ہونے کے نتیجے میں چار افراد ہلاک ہو گئے ہیں فوجی طیارہ ٹیسٹ فلائٹ کے دوران ٹیک آف کے چند لمحے بعد اس وقت ٹرانسمیشن لائن سے ٹکرا کر تباہ ہو گیا جب پائلٹ ایمرجنسی لینڈنگ کی کوشش کر رہا تھا۔

رپورٹ میں بتایا گیا ہے کہ حادثہ سان پابلو ایئرپورٹ سے شمال کی جانب تقریباً ایک میل دور پیش آیا حادثے سے قبل طیارے نے سسٹم میں خرابی کا سگنل دیا تھا مقامی میڈیا کا کہنا ہے کہ تباہ ہونے والے طیارے پر سوار تمام افراد ہسپانوی ایئربس کمپنی کے ملازمین تھے جن میں مزید دو کی حالر نازک ہے۔

دوسری جانب ہسپانوی وزیراعظم ماریانو راخوئی نے حادثے پر افسوس کا اظہار کرتے ہوئے کہا کہ حکومت متاثرہ خاندانوں کی مدد کیلئے تیار ہے ایئربس اے 400 ایم تباہ بڑے پیمانے پر سامان کی نقل و حمل کیلئے استعمال ہونے والے طیارہ ہے۔

تاہم یہ ماڈل اب تک سپینش فوج کے زیراستعمال میں ہے ایئربس کمپنی سے یہ طیارے خریدنے کیلئے 8ممالک نے معاہدے کر رکھے ہیں جن میں 27 سپین خریدے گا کمپنی کا کہنا ہے کہ تباہ ہونے والے طیارے کا آرڈر ترکی نے دے رکھا تھا۔