سوئیٹزرلینڈ : لوزرن میں شاندار محفل میلاد کا انعقاد

Switzerland Mehfil Milaad un Nabi

Switzerland Mehfil Milaad un Nabi

سوئیٹزرلینڈ (علی جیلانی) سوئیٹزرلینڈ کے شہر لوزرن میں ممتاز سماجی اور کاروباری شخصیت جناب خاور سعید صاحب نے ایک شاندار محفل میلاد کا انعقاد کیا جسمیں کثیر تعداد میں عاشقان رسول نے شرکت کی۔

اس محفل میں پاکستان کے عالمی شہرت یافتہ نعت خواں قاری شاہد محمود اور یورپ کے ہردلعزیز نعت خواں پیر سید جعفر علی شاہ صاحب اور خاندان غوثیہ اشرفیہ کے چشم و چراغ صاحبزادہ سید علی جیلانی نے خصوصی شرکت کی تقریب کا باقاعدہ آغاز تلاوت کلام پاک سے ہوا اسکے بعد تمام پیارے بچوں نے آقا کے حضور نعت کے ہدیئے پیش کئے۔

نقابت کے فرائض محمد نصیر اور جناب جمشید صاحب نے انجام دیئے دیگر نعت خوان جناب ریاض دین، جناب محمود الحسن شاہ، محمد نصیر، بشیر شیرازی، خالد نے آقا کے حضور حاضری لگوائی جناب سید جعفر علی شاہ صاحب نے خوبصورت رباعیات پیش کرکے لوگوں کے دل ایمان سے بھر دیئے جناب قاری شاہد محمود نے اپنی منتخب نعتیں سناکر محفل میں سماں باندھ دیا خاص کر لگیاں نے موجاں اور ماں کی شان سن کر لوگوں پر رقت طاری ہو گئی۔

میزبان جناب خاور سعید صاحب نے تمام مہمانوں کا شکریہ ادا کیا اسکائی ٹریول کی جانب سے عمرہ کا ٹکٹ مرزا ندیم نے حاصل کیا اسکے بعد سید جعفر علی شاہ صاحب کی طرف سے موئے مبارک کی زیارت کرائی گئی اور سلام کے بعد صاحبزادہ سید علی جیلانی نے اجتماعی دعا کرائی آخر میں لوگوں کی تواضع مزیدار لنگر محمدی سے کرائی گئی۔